في الكورس دا هتتعلم ازاي تصمم دوائر الكترونية من خلال عملاق تصميم الدوائر الالكترونية ألتيوم altium Designer
من شركة اوتوديسك
مش محتاج اكتر من انك تكون ملم بمادىء الالكترونيات وسيب الباقي عليا
هتتعلم من البداية خالص ازاي تصمم مخططات الدوائر بشكل احترافي جدا زي ما بنشتغل في السوق بالظبط
وازاي تدرج العناصر المطلوبة
ولو مش موجودة ازاي تقدر تحصل عليها بالداتا الخاصة بيها كاملة سواء الرمز او الفوت برنت او التصميم ثلاثي الابعاد
هتتعلم قواعد تصميم المخططات من الصفر وهتوصل في النهاية لتصميم مخططات احترافية
بعدها هندخل على مرحلة تصميم البي سي بي
ونشوف ازاي ننقل التصميم من مرحلة المخطط لمرحلة الدايرة اللى هنقوم بتنفيذها بطرق تصنيع مختلفة
هتعرف قواعد التصميم والتصنيع من الصفر .. هتكتسب مهارات تصميم مختلفة وتحترف الروتنج وتخليق المسارات بين العناصر وفقا لتصميم الدايرة
كمان هتقدر تعمل اظهار ثلاثي الابعاد علشان تعرف تسوق لشغلك او توريه للعميل قبل التصنيع
وفي النهاية هتكون جاهز للشغل في المجال بعد ما تبذل شوية مجهود في التمرين
سواء مهندس في شركة او لشغلك الخاص او فري لانسر
كل الماتيريالز اللى انت محتاجها هتلاقيها متوفرة في الكورس
من اول مكتبات العناصر لحد التصميمات بحيث متتعطلش على حاجة
هتشتغل كمان مشروع من الصفر لحد ما تخلصه .. مشروع كامل
وكمان هندسة عكسية علشان تعرف تعيد تصميم اي دايرة تشوفها في حياتك
من اول المخطط وانتهاءا بالبي سي بي
